Tatar Hanına Name-i Hümayun yazıla ki: Kefe sancagı beyi iftiharü’l-ümerail-izam Kasım dame aluvvuhu asitan-ı saadet asiyan ve dudıman-ı devlet ünvanımıza mektup gönderüp adada olan Çerakese beyleri ve sipahileri vilayet katibi bizi raiyyet kayd edüp bizden ösür ve resm talep edüp bunun emsali tekalife kudretimiz yoktur reayayı ızlal eyleyüp taun bahanesile adadan çıkup gitmek üzere oldukların ilam eylemegin gerekdir ki kadimü’l-eyyamdan hanedan-ı devlet asiyan ve dudıman-ı saadet ünvanımıza olanvüfur-ı sadakat ve ihlas ve fart-ı muhaleset ve ihtisasınız müstedasınca bu babda mukayyed olup adada olan eger ümera-i Çerakisedir ve eger sipahilerdir anun gibi adadan çıkup ahar yere gitmek kasd ederlerse men eyleyüp istimalet ve tesliyet eyleyüp yerlü yerlerinde iskan ettirmege ihtimam-ı tammınız vücude gele söyle ki memnu olmazlar ise vecih ve münasip görüldügü üzere haklarından gelmek babında enva-i mesai-i cemilenuz zuhur ve büruz eyleye ve Südde-i Saadetimiz çavuslarından Turgut Çavus zide kadrihu ile gönderilen name-i hümayunumuz fehvası simdilik lazım olmayup tehir olunmustur anun gibi lazım olursa tekrar name-i hümayunumuz irsal olunur mucebi ile amel oluna.
