Kefe beyine hüküm: Südde-i saadetime mektup gönderüp adada olan ümera-i Çerakese ve sipahiler vilayet katibi bizi raiyyet kaydeyleyüp bizden ösür ve resm hakkı talep edüp bunun emsali tekalife kudretimiz yoktur deyu reayayı izlal eyleyüp taun bahanesiyle adadan çıkup gitmek üzere oldukların söyle ki isyan edüp aher yere gitmek ihtimali olursa yolların alup haklarından gelinmek babında Devlet Giray Han damet mealihuye name-i hümayunum ve Azak beyine hükm-i serifim gönderilmesin arzeylemissin imdi müsarünileyh han damet mealihüye name-i hümayunum yazılıp anun gibi Adadan çıkup gitmek isterlerse tesliyet ve istimalat ile yerlü yerlerine iskan ettirmege sai edüp memnu olmazlar sa haklarından gelinmek ferman olundugundan gayrı aAak beyine dahi hükm-i serifim yazılıp Azak kurbunda olan Nogay tatarı ile karsılayup men eylemek emrim olmustur buyurdum ki vusul buldukda sen dahi bu babda mukayyed olup anun gibi mezburlar adadan çıkup gitmek isterlerse mümkün oldugu üzere tesliyet ve istimalat verüp yerlü yerlerinde iskan ettirmege sai eyleyesin eger memnu olmayup beherhal adadan çıkup aher yere giderlerse müsarünilyeh ile ve Azak beyi ile heberlesüp vechi ve münasip görüldügü üzere haklarından gelmege enva'-i mesai-i cemilen vücuda götüresin. (Aynen)
