Mora beyine Hüküm ki: Moton azabları agası Mustafa Südde-i Saadetime mektup gönderüp bilfiil Moton azabları kethüdası olan Pervane için hidemat-ı hümayuna gelmediginden gayrı kaleye taun ulasup azab taifesi fevt olmakla gediklerin sagir hizmete adem-i iktidarları olanlara ve küffar-ı haksara muavenet edüp Manya kalesin verenlere gedikler verüp külli ihtilale bais olmustur deyu arz eylemegin buyurdum ki vusul buldukda mezburun ahvalin tetebbu ve teftis eyleyüp göresin filvaki arzolundugu üzere bu makule evzaı oldugu zahir olursa mezkuru hapseyleyüp yerin ahare tevcih ve arz eyleyesin.
