Mora Beyine Hüküm ki: Südde-i Saadetime mektup gönderüp Mora muhafazası için Südde-i Saadetim çavuslarından Sinan Çavus'a kıla neferlerinden kifayet mikdarı adam verilmek emrim olup lakin Moton ve Anabolu kalelerine taun ugrayup mabalaga neferleri fevt olup gediklerine tabi talip bulunmayup mezkur çavusa dahi muhafaza için adam verilürse kaleler hali kalur deyu bildirmissin imdi kıla hıfzı mühimmattandır buyurdum ki vusul buldukda zikrolunan kalelerin ve sair ol cevanibde yalıya karip olup hıfz ve hıraseti lazım olan kıla’ın neferlerin harice çıkarmayup kalelerin muhkem hıfz ettirüp yalı muhafazası bahanesile kaleleri hali komakdan hazer edüp babı ihtimamda dakika fevt eylemeyesin.
